«Walkila’ 15 in ja'abil ts'o'oke’ yaan u ka’ yantal in paalil». Oochel jóok'sa'an ti’ u cha'anil  «Quiénes son esas madres» beeta'an tumen Irena Daskalova.

U múuch'kabil Asociación de Planificación Familiar Búlgara (BFPA yóok'olal bix u k'aaba’ ich inglés t'aane’), jump'éel múuch’ meyajtik ba'alo'ob yaan ba'al u yil yéetel u toj óolal wíinik beyxan sexual kaambal, ts'o'oke’ ma’ táaka'an ichil u meyajil jala'achi’, tu na'aksaj ti’ YouTube u meyajil

«Quiénes son esas madres», jump'éel cha'an e'esik u kuxtal jo'otúul ko'olel yanchaj u paalal kex tumen jach xlo'obayeno'ob.

Cha'ane’ ku xáantal 30 miinuto'ob yéetel meyajta'ab tu ja'abil 2011, beeta'an ich búlgaro t'aan yéetel yaan u subtiitulo'ob ich inglés, le beetike’ ku béeytal u cha'anta'al tumen uláak’ máako'ob. Ku ts'o'okole’, u yo'omchajal xch'úupalalo'ob yéetel u ts'o'okol beel máak kex jach paale’, ba'alo'ob k'a'anan u tsikbalta'al ichil tuláakal yóok'ol kaab.

BFPAa’ tu ya'alaje’ máaxo'ob beet cha'ane’ tu cha'ajo'ob u cha'anta'al tu kúuchill YouTube. U chan ts'íibil cha'anae’ ku ya'alik:

G. is 15 years old. She is pregnant in the fourth month… with her second child. She gave birth to her first son when she was only fourteen. She is one of the approximately 5,000 girls every year in Bulgaria who “marry” and bear children between age 13 and 18. Regardless of their reasoning, these are all “children-mothers”, who are raising their own children. Often, they are given no chance of making their life choice themselves and they are left in the closed loop of illiteracy, un-employment, and poverty. And their children and their children’s children will most probably re-enact the same model for they couldn’t know that life would offer other opportunities. Who are those mothers?

15 u ja'abil G. Jo'op'éel winal yo'omchajak… u ka'atúul u paalil. 14 u ja'abil ka'aj yáax yanchaj u paalil. Leti'e’ chéen juntúul ti’ le óoli’ 5.000 xch'úupalal yaan Bulgaria lalaj ja'ab «ku ts'o'okol u beel» yéetel ku yo'omchajalo'ob ichil 13 tak 18 u ja'abo'ob. Jumpáay ti’ ba'ax ku tukultiko'obe’, leti'obe’ «xch'uupalal-na'tsilo'ob», ku tséentik u paalalo'ob. Mantats'e’, mina'an u páajtalil u jets'ik ba'ax u k'áat tu kuxtalo'ob, ts'o'oke’ ma’ xan táan u béeytal u kaniko'ob xook, mix ts'íib, mina'an meyaj ti'ob, yéetel óotsilo'ob. Ts'o'oke’ u paalalo'ob, yéetel u paalal u paalalo'obe’, míin láayli’ xaan beey kun kuxtalo'ob, tumen ma’ u yojelo'ob wa je'el u k'éexel ba'ale’. Máax túun le na'tsilo'oba’.

Tu winalil marzo ti’ u ja'abil 2012e’, cha'ane’ tu náajaltaj chíimpolal úuchik u jo'otéen beeta'al u cha'anil Festival de Documentales Europeos de Roma. Fondo de Población de las Naciones Unidas (UNFPA) ts'o'ok u ye'esik cha'an ti’ uláak’ meyajo'ob u beetmaj.

Máax jo'olbes cha'an, Irena Daskalova, ts'o'ok u beetik uláak’ cha'ano'ob. BFPA láayli’ táan u meyajtik uláak’ cha'ano'ob yaan ba'al u yil yéetel sexual kaambal, toj óolal yéetel u páajtalil máak ti'al u yantal u paalal.