U p’a’asil “We Can Do IT” (Ku páajtal kbeetik) Jump’éel oochel jach kajóola’an. Le oochela’ jóok’sa’ab tumen Tom Morris, ichil Wikimedia Commos. Ku páajtal u k’abéetkunsa’al tumen je’elmáaxake’.

Ts’íib yaan ichil Wikipedia ku tsolik bix jatspaja’anil meyaj ichil xiib yéetel ko’olele’ ku jach jets’ik: “u ya’abil máax ku ts’íibo’ob ichil Wikipediae’, xiibo’ob”, óoli’ ichil 85 tak 91.5 %. Lela’ páajchaj u yila’al ti’ ya’ab xaak’alo’ob yéetel k’áatchi’ob beeta’ano’ob. Jump’éel ba’al unaj u beetik u péek u yóol tuláakal maáxo’ob yano’ob te’elo’, beyxan le Fundación Wikipediao’, máax jo’olintik u mu’uch’ul  tuláakal ba’ax ojéela’an way yóok’olk’aabe’, xma’ bo’olil; ikil ma’ keet u yúuchul meyaj ichil xiib yéetel ko’olele’, je’el u páajtal u jatsik tuukulo’ob ichil ba’ax ku ts’áaik k’ajóoltbile’.

Múuch’ meyaj Wikimujerese’ u k’áat u k’ex le ba’ala’, le óo’lale’ u kajsmaj u meyaj ichil noj lu’umo’ob ku t’aniko’ob kastelan t’aan, bey xan máaxo’ob ku t’aniko’ob catalán. Ichil u página webe’ ku ya’alik:

Junmúuch’ ko’olelo’on k k’abéetkunsik Wikipedia, jach kktukultik bix u ye’espajal tuláakal ba’alo’ob yéetel bix u ya’ala’al ba’alo’ob ichil Wikipedia, kk’áat meyaj ti’al kjump’íitkunsik u ya’abtal u meyaj xiib ti’ ko’olel, bey xan miatsilo’ob yano’ob ichil le enciclopedia ku yáax xak’alta’al ti’ tuláakal le interneto’.

Ba’ax ku kaxtiko’obe’, u ya’abtal ko’olelo’ob ku páajtal u mantats’ ts’íibo’ob, u pa’ jo’oltiko’ob túumben ba’alo’ob yaan ba’ax u yil yéetel ko’olelo’ob, je’el bix, bix u kuxtalo’ob wáa túumben meyajo’ob beeta’ab tumen u xts’íibilo’ob kaja’ano’ob ichil noj lu’umo’ob tu jóok’olo’ob táanil. Ku much’ikubáaob tuláakal p’isk’iin Madrid yéetel Barcelona, ti’al u táakpajal máake’, ku ka’ansiko’ob ko’olel yéetel ku beetiko’ob «editatones«. Ti’al u beeta’al le meyaja’, k’a’abéet jach ti’ yaan máaki’, tukulta’an ti’al u yantal múul meyaj yéetel u beeta’al túumben wa u ma’alobkinsa’al ts’íibo’ob le yano’ob ichil Wikipedia.

Foto de Montserrat Boix de Wikimedia Commons (CC BY-SA 4.0).

Le u ts’ook editatoneso’obo’, múul beeta’ab tumen Wikimujeres, tu much’ajubáaob Medialab-Prado tu kaajil  Madrid, tu meyajtajo’ob túumben ts’íibo’ob yaan ba’ax u yilo’ob yéetel ko’olelo’ob ku ch’a’iko’ob oochelo’ob yéetel cientifica ko’olelo’ob.